Poeti lombardi : VINCENZO MIGLIAVACCA

Note biografiche

La raccolta di poesie "Aria de cà mia" di cui vedete la copertina è edita da OTMA EDIZIONI e potete trovarla in libreria. Poesìi sénza pretés Quell che me vègn in mént ve'l disi in milanés: hinn fòrse ròbb de niént, poesìi sénza pretés, però, paròlla mia, gh'è dentr'on pòo de mi, ve parli de cà mia e quèll che voeùri dì l'è on omàgg, el mén, che pròpi pòdi fà a chi ghe voeùr tant bèn a sta bèlla cittàa! ©Vincenzo Migliavacca   Còl coeùr in màn Me sont desmentegàa de spiegà bén quèl che l'è'l titol della mia poesia, ma sont sicùr che avìi capì almén che l'è ànca vòstra, mìnga sòl cà mia. L'è tùt el nòst paès còi sò magàgn e i sò virtùu che l'hann fàa grand e bèll, cònt i sò vèer pianùr e i sò montagn, che fann de divisòri e de capèll. L'è l'ària che respiròm nùm nativ e tùtti insèmma quèi che chi a Milàn troeùven de podè stà e podè viv in armonia e còl coeùr in màn. ©Vincenzo Migliavacca Ciél de Lombardia Se guardòm bèn el ciél de Lombardia quànd l'è serén sénza ona nivolètta l'è'l pussée béll azùr che al mòn che sia: gh'è nò 'na màggia o an'òmbra de nebiètta
vai all'indice